Artigos de Xosé Manuel Beiras a raíz da súa participación no último Consello Internacional do Foro Social Mundial en Rabat.

Un dos meirandes expertos do mundo en modelos económicos alternativos e estratexias fronte á crise
MARTES 26 DE MAIO. Salón de Graos da Facultade de Económicas. Campus Norte. Santiago de Compostela

Os movementos sociais comprométense a crear alianzas e mobilizacións contra o neoliberalismo durante 2009. O proceso do FSGal continuará na Galiza cando menos cada dous anos, levará a nación galega ao discurso altermundista planetario e del sairán alianzas contra o capitalismo.

Santiago Agra-. Moito temos escoitado falar sobre o tráfico e a trata de seres humanos no mundo de hoxe. Falamos de redes mafiosas, de emigración en condicións extremas e de barreiras de ferro nas portas da Europa da libre circulación de persoas. Pero sabemos realmente o que é o tráfico de persoas? E a trata? Nanina Santos, da revista feminista Andaina, tratou de resolver as dúbidas sobre un tema que precisa dun forte compromiso para combatelo.

Santiago Agra-. A memoria histórica é dos temas de actualidade na nosa sociedade. Moitos activistas no país loitan por coñecer que ocorreu realmente ao longo de todos os anos de represión franquista. Manolo Monge, sociólogo e membro da Comisión para a Recuperación da Memoria Histórica na Coruña, participou no FSGal para dar a coñecer o seu traballo.

Santiago Agra-. Galiza e a Lusofonía, unha relación que semella comezar a mellorar. Elías Torres, vicerreitor de Cultura da USC e presidente da Associação Internacional de Lusitanistas,interveu para amosar a súa visión sobre a actual relación entre o noso país e a comunidade de países de lingua portuguesa.

Santiago Agra-. Profesor de Ciencias Políticas na Universidade Autónoma de Madrid, Carlos Taibo amósase como unha das mentes máis lúcidas da esquerda actual. Nuns breves instantes após o plenario do sábado á tardiña aclarounos algúns dos seus posicionamentos sobre a esquerda e os foros sociais.

Santiago Agra-. É posíbel seguir medrando? O crecemento sustentábel é unha alternativa ou unha falacia? Adela Figueroa, presidenta de ADEGA e Clara, da cooperativa de consumo responsábel Cova da Terra, buscan concienciar a xente dos límites que ten o noso planeta, evidenciados pola pegada ecolóxica do ser humano.

• Plenario do sábado pola noite, a actividade máis concorrida, por X. M. Albán
• As carpas de movementos sociais (corenta entidades estiveron representadas), fotos de Irene
• Asemblea de movementos do domingo pola mañá, por X. M. Albán
• Fotos do domingo 7/12/2008
• Fotos do sábado 6/12/2008 (mañá)
• Fotos do sábado 6/12/2008 (tarde)
• Fotos da inauguración (5/12/2008)

Andrés Caamaño- Qué acontecería se todos recibisemos unha asignación anual polo mero feito de existir? Sería unha dádiva ou un recoñecemento dunha cidadanía da que, actualmente, só queda o voto como demostración práctica? Antoni Doménech, Daniel Reventós e Xosé Manuel Beiras abordaron no último debate do Foro Social Galego a cuestión da renda básica, unha ferramenta fiscal que, de ser aplicada, sería unha ferramenta capital para devolver á clase traballadora a unidade e a estabilidade psíquica e material perante as chantaxes patronais servidas en forma de “flexiseguridade”.

Santiago Agra-. A ilusión e as ganas de traballar foron a nota dominante do todo o FSGal, se ben no plenario o cansazo comeza a deixar pegada Tras debater durante horas os problemas sectoriais xuntámonos no Auditorio de Galiza para falar entre todos. Ante unha sala repleta e un auditorio entregado Carlos Taibo, Xan Duro, Lupe Cês, Lidia Senra e Xosé Manuel Beiras trazaron unha visión do presente e o futuro do movemento altermundialista galego.

Santiago Agra-. Galiza e a Lusofonía. Unha relación non exenta de conflitos que o Foro Social Galego non podía eludir. Camilo Nogueira, histórico dirixente nacionalista, a artista Uxía Senlle e Elías Torres, presidente da Asociación Internacional de Lusitanistas, achegaron diferentes perspectivas ás máis de sesenta persoas que acudiron ao evento.

Andrés Caamaño-. A fin da civilización do petróleo está a volta da esquina. Manuel Casal lodeiro, da asociación Vespera de nada relatou a defunción da época dos hidrocarburos e as alternativas posibles que se abren nun momento decrise. Martiño Fiz, da asociación ecoloxista Adega, Patricia Pena, representante da Universidade Rural do Eume, Antonio Palma de Permacultura Galiza e Manolo Rei, da Unión Libertaria debatiron cos presentes posíbeis solucións, que pasan por recuperar usos tradicionais, organizacións horizontais e, sobre todo, supera a colonización mental.

Eduardo Muñiz-. A loita polos dereitos humanos, a redefinición do concepto de cidadanía nunha sociedade mundializada, e a relación destes dous termos cos gobernos e as institucións, tanto estatais como internacionais, foron os amplos eixos do debate Cidadanía, dereitos humanos e gobernanza planetaria, celebrado na mañá do sábado no Foro Social Galego. Moderados por Manuel Dios, participaron no mesmo Manuela Mesa, Luis Acebal, Roberto Mansilla, Margarita Ledo, Beatriz Fernández e o Arzil Bacal.

Os colecitvos participantes do proceso do Foro Social Galego demostran o seu compromiso enchendo as salas da Facultade de Filoloxía a pesares das inclemencias atmosféricas.

Fotografías dos debates do sábado 6 pola mañá
Por X. M. ALBÁN e EDUARDO IRAGO

A CIG e a Mesa defenden o galego como lingua oficial a todos os efectos no seu ámbito territorial no FSGal. Denuncian o “falso vitimismo” de certos sectores sociais “antinormalizadores”.

Lidia Senra: "Máis antes que despois aparecerá un novo escándalo alimentario".